المنتدى الرسمي لقبيلة الحمايين من مطير

المنتدى الرسمي لقبيلة الحمايين من مطير (http://www.alhamain.com/vb/index.php)
-   منتدى مطير العام (http://www.alhamain.com/vb/forumdisplay.php?f=13)
-   -   قصه وقصيدت (المحسول) (http://www.alhamain.com/vb/showthread.php?t=145)

راضي دخين الحمياني 09-14-2010 03:52 AM

قصه وقصيدت (المحسول)
 
بسم الله الرحمن الرحيم
يالله عافنا ثم اعف عنا يقول العبدلي بالقاف غنا
تهيض من ضمير ماتسنا خل المدح للي يكسبونه

مبدأ قصيده للشاعر الكبير مفتن بن بسيس بن منيف الظويفري الملقب بالمحسول (المنشل) رحمه الله وذلك عندما غزا عليهم احد البيارق سابقا وكان عددهم خمسة رجال من قبيلة الظوافره وسادسهم المحسول وكانوا هم الذين في واجهة البيرق وعندما دارت المعركه نسو المحسول في منزلهم بين خط الدفاع والهجوم فرجع له منهم اثنان من الخمسه احدهم ابنه والثلاثه الباقين صاروا حمايه لهما وشالوه على جمل من داخل المعركه وزبنوه في محل آمن ورغم هذا كله كسروا البيرق وقتل منه من قتل وهرب منه من هرب وكان يشكرهم المحسول على ماقاموا به من عمل بطولي شجاع في ذلك الموقف الحرج







يالله عافنـا ثـم اعـف عنـا،،،يقول العبدلـي بالقـاف غنـا


تهيض مـن ضميـر ماتسنـا،،،خـل المـدح للـي يكسبونـه


افقـد جابتـي والله رقـيـب،،،وارد القاف من قلب(ن) لبيـب


والا يالله لاتــرد النصـيـب،،،ياللي كـل الأمـه يرتجونـه


صبيحه يـوم كملـت الصـلاه،،،وكتبـت حجتـي عنـد الآلـه


ولينـي ببيـرق فـي عصـاه،،،بأيمـان النشامـى ينقلـونـه


مقلينه على وسـق الركايـب،،،وتومي به ذعاذيـع الهبايـب


مع الأخوان بيضان العصايـب،،،عليهـم لبـس مايستاهلونـه


وجونا عسكر(ن) مسقين طاش،،،ولاينصالهـم كـل هـبـاش


يمطر بينهـم مثـل الرشـاش،،،وان خيل خياله مـن مزونـه


خمسه مـن عيـال العبدليـه،،،لهم عزوت(ن) ماهـي غبيـه


على كسر الحريـب معاوديـه،،،يذكـر جدهـم ويشهـرونـه


خلو سابـق البيـرق يطيـح،،،وظلـى دمهـا فوقـه يفيـح


رماه اللي على الحله شحيـح،،،اتـقـرون والا تجـحـدونـه


والبيرق طـواه اللـي يشيلـه،،،يوم انـه بغـى ربـي يزيلـه


ينشب فالشجر خلـو شكيلـه،،،ينشـب فالفنـون ويشلعونـه


وانا لن جيت افكر في الـردود،،،مدري لو اروح مـع الشـرود


والا اثني مع الربـع الفهـود،،،ياثـلاب يانـاس اعـردونـه


امـا ذلـة كتـبـت علـيـه،،،والا اخذت مع ربعـي شويـه


بصنـع اليمانـي فـي يديـه،،،لو الراس يعزل عـن متونـه


والآ ياليت سالمتـه زونـدي،،،والله علم(ن) بخلـي وجـودي


يوم الضرب جاء بين الفهودي،،،صبيحـه والعيـار يقننـونـه


وانـا ربعتـي ماهـم خفـاف،،،ولا هجـو وخلونـي خـلاف


في سرع النظـر والأنحـراف،،،اعـادو للمحسـول ينقلونـه


وانـا شايفـه منهـم كثـيـر،،،يوم ابو عصابـه جـا مغيـر


وازتموه فـي ظهـر البعيـر،،،يالـو غيـرهـم ماينقلـونـه


ظليـت اتفكـر فـي الرجـال،،،على وسق الشناح من الجمال


خبيـر الله ولا غاويـه حـال،،،واللي مثـل حالـي يعذرونـه


انا ماريـد اعـدد بالأسامـي،،،يجي عشره تحجو في المرامي


وجاء طرح اللحم منهم شمامي،،،وكل مجرب(ن) بانـت بيونـه


تولوهـم عـبـاد وعـلـوات،،،وخلوهم عـن الحلـه شتـات


حدوهم عند تـال المرزمـات،،،ماخلـو لبنـهـا يشربـونـه


ولا يانعـم يامسعـد وعـيـد،،،وسعيد ومن له حظ(ن) جويـد


اهل عـاده وبندقهـم تصيـد،،،صيد(ن) بالملاقـا ماتصونـه


جري الخوف اخير من الطماعه،،،وركيـان خلـنـه قطـاعـه


ردوه العـبـادل للجـمـاعـه،،،واللـي يمنـع الله يمنعـونـه


منع(ن) ماهو كما منع الخوان،،،اللـي منعهـم مافيـه امـان


اما صوروهـا فـي الحسـان،،،والا للشريـعـه ينقـلـونـه


والبيضا علـى اللـي زبنـوه،،،في بيـت الحسونـي دخلـوه


لو مالقيوله مزابيـن احتمـوه،،،حالو بأمهات الخمـس دونـه


وانا مـاذم صبيـان العمـور،،،كل وجه(ن) يبدي فيـه نـور


لافي مـن موسعـة الصـدور،،،الشامانـي اللـي يذكـرونـه





القصيده اطول من كذا والمعذره عن البقيه

منقول من منتدى مجالس الظوافرهـ

تحيآتي

السيــف 09-14-2010 06:21 AM

رد: قصه وقصيدت (المحسول)
 
والله ونعم

يعطيك العافيه

مشاري الحمياني 09-15-2010 06:07 AM

رد: قصه وقصيدت (المحسول)
 



الله يرحمهم جميع ,,, والله انه موقف بطولي ما يخلون خويهم

يعطيك العافيه اخوي راضي

قلب الاسد 09-17-2010 12:23 AM

رد: قصه وقصيدت (المحسول)
 
الله يرحمهم ويغفرلهم
الله يعطيك العافيه
ياراضي على النقل
تحياتي

راشد الحمياني 09-18-2010 02:00 AM

رد: قصه وقصيدت (المحسول)
 
تسلم على الطرح اخوي

صقر الحمايين 09-19-2010 09:17 AM

رد: قصه وقصيدت (المحسول)
 
والله ونعم بحماية البارق

يعطيك العافيه يا ابو زايد

مشعل ناحي الحمياني 09-21-2010 02:05 PM

رد: قصه وقصيدت (المحسول)
 
ونعم والله بأرحامنا

واشكرك ياراضي على الموضوع المميز

راضي دخين الحمياني 09-21-2010 08:54 PM

رد: قصه وقصيدت (المحسول)
 
اقتباس:

المشاركة الأصلية كتبت بواسطة السيــف (المشاركة 636)
والله ونعم



يعطيك العافيه


معليك زود

الله يعافيك

أشكرك على المرور الجميل

تحيآتي

راضي دخين الحمياني 09-21-2010 08:56 PM

رد: قصه وقصيدت (المحسول)
 
اقتباس:

المشاركة الأصلية كتبت بواسطة مشاري الحمياني (المشاركة 685)


الله يرحمهم جميع ,,, والله انه موقف بطولي ما يخلون خويهم


يعطيك العافيه اخوي راضي


آمين

الله يعآفيك

تحيآتي

راضي دخين الحمياني 09-21-2010 08:58 PM

رد: قصه وقصيدت (المحسول)
 
اقتباس:

المشاركة الأصلية كتبت بواسطة قلب الاسد (المشاركة 727)
الله يرحمهم ويغفرلهم

الله يعطيك العافيه
ياراضي على النقل

تحياتي

آمين

الله يعافيك

أشكرك على المرور العطر

تحيآتي


الساعة الآن 07:55 AM.

Powered by vBulletin® alhamain.com
Copyright ©2000 - 2020, Jelsoft Enterprises Ltd