المنتدى الرسمي لقبيلة الحمايين من مطير

المنتدى الرسمي لقبيلة الحمايين من مطير (http://www.alhamain.com/vb/index.php)
-   منتدى المواضيع المكررهـ (http://www.alhamain.com/vb/forumdisplay.php?f=22)
-   -   من قصايد الشاعر سعدعلوش (http://www.alhamain.com/vb/showthread.php?t=642)

صقر الحمايين 11-26-2010 04:02 AM

من قصايد الشاعر سعدعلوش
 
السلام عليكم
هناء بنقل لكم بعض قصايدالشاعر سعد علوش

والي عنده من سعد علوش لو بيت

يكتبه ولا يبخل علينا

قصيدة تعال خذني

ياوي النعاس لعين من يرغب بإيواء النعاس
وأنا مجلوي كل نعسة عين مع إني.. سدْر
العقل نعمه لكن احياناً يسبب انتكاس
يشوّقك إن العقول الحين.. ما قلّ و ندر
أنا أفكر كيف ازيل المنحدر من الاساس
والأغبيا لاهين في لذة صعود المنحدر
تعبت لاني من هل الطولات صعبين المراس
اللي يحبون الوفا ولا يحبون الغدر
تعال.. يابن آخي الغلا.. ياهوه.. يا عالم.. يا ناس
يافكر(ابن جدلان)يا تركيبتين من (البدر)
يا معضلة تمشي على رجلين ياالعشر الحواس
يا شاطبٍ من ذاكرة تاريخي الوجه الودر
يا مطلع أهداف أجمل الغيد إلى (رمية تماس)
يا مهدّف بقلبي ثمان اهداف من حب وقدر
تعال اخذني من يدين الهم ووجيه العماس
شوف العرب ضيقة صدر ومشاهدك وسعة صدر

صقر الحمايين 11-26-2010 04:03 AM

رد: من قصايد الشاعر سعدعلوش
 
قصيدة جت في وقتها

تنوخذي في بحر فكري واسبحي
وباعطيك جوهرتي.. وقولي:بقتها!!

تفلسفي يا فيلسوفه، واشرحي:
كيف انتي بقتيها.. وكيف اشتقتها

سبحان من نزّل على محمد وحي
وسبحان من مدّ الدروب وسقتها

نفسٍ ليا من سقتها ماتنتحي
حتى لو اني ف البحور اغرقتها

بس اذكري يوم ارتجافات اللّحي
اصخيتي بيدّيك.. وانا اعتقتها

اخاف لا تقولين: ذا مايستحي
واخاف أطفيها وانا ما احرقتها

مغمى على قلبي.. ولكنه صحي
وغربتي العبره.. واناشرّقتها

يا كثر بوحة واحدٍ بك منبحي
وابشرك للحين مافرقتها

الزلة اللي خسّرتني مربحي
عزالله انها منك جت في وقتها

خلتني ادري ان حبك اسطر تنمحي
كذبه كذبتيها وانا صدّقتها


صقر الحمايين 11-26-2010 04:06 AM

رد: من قصايد الشاعر سعدعلوش
 
قصيدة احيانا غبي

ان كنت أنا اخطي شيء طبيعي لأن أنا ماني نبي
محدٍ عصمه الله من الاخطاء كون الانبيا

صحيح أنا اخطي بس ضوي ماتشب ألا حطبي
أطمح ولولا الليل محد شاف فايدة الضيا

امشي ولو أموت وأناامشي ولكن ماحبي
ولا أعشق الصورة ولا الكربون ولا أعشق غيا

كل مااتعثر قلت في نفسي وأنا أمس شنبي
ياكم على الدنيا فقير ويحسدونه أثريا

ابغى أتوحد وأنت اخذ مزهبك واترك مزهي
كنا إخويا ومن بعد مازليت ماحن بخويا

أبعصم ارجيلي عن دروب السخافه يا صبي
لاني حياوي والدروب السود مافيها حيا

تعال وادعني وداع الأرض للحر الأبي
أنا بعلي وان دعيتك فالعفو للأنقيا

ماني بنادي باسمك اللي ماتسمواه أجنبي
إن قلت لك يا.. اعرف اني حاشمك لاقلت يا

يا.. والله وبالله وبعد الله وبي وبسببي
صارت شياطين الحروف المستهيمه اتقيا

فإن شفتني متعب هجوسي في رسم راس الظبي
ماهو علشان اكسب اعجابات ريمانه هيا

لا.. لا أنا مخلوق مبدع ما يحب ومايبي
ألا يقول إن الاذكيا سبة سقوط الأغبيا

من الذكاء انك تسوي نفسك أحياناً غبي
بس الغباء انك تذيكا لك على ناس أذكيا


صقر الحمايين 11-26-2010 04:08 AM

رد: من قصايد الشاعر سعدعلوش
 
قصيدة صوت بن سبيل

لا تقيس الدين بالعقل يا عقلي.. ونام
فيه غيبيات أأمن بها.. بلا مقوت

لأن ايمانك بها.. يعني انك في سلام
من غضب ربي وسخطه وتخريب البيوت

لا تفكر في مسائل نتايجها اثام
يكفي ان الوقت ملبسني من الاثم.. كوت

آثم بس اعرف ويش تالية الغرام
بين شيخان العقيدة وشيخان البشوت

تالية حب الطرفين ضيعه وانقسام
تنعكس على من يدور لمضناه قوت

السكوت يزين لا صار من حولك كلام
بس ما هو زين لا صار من حولك سكوت

ويش اقول؟ اقول يالله جعلهم للعدام؟
لا.. بقول انا اتمنى قبل عمري يفوت

وذي اني ما تعداك يالبيت الحرام
وودي ان اعيش فيك العمر كله واموت

الله اكبر لا اذن المذن وكبر الامام
واصبحوا زاكين الانفاس من خلفه صنوت

وابتدأ يرتل ونظم بترتيله زحام
وانتهى من ركعته وابتدأ يدعو.. قنوت

الله الله الله الله على شعور الوئام
جعل صوت ابن سبيل بعد مليون صوت

يجعل بيوت الشياطين في عقلي حطام
كن صوته ينتشلني معه من بطن حوت

لا سمعته.. يصغر الكون فعيوني.. وأنام
وأمن اني مؤمن ابما يقول.. بلا مقوت


صقر الحمايين 11-26-2010 04:13 AM

رد: من قصايد الشاعر سعدعلوش
 
قصيدة تضيق نفسي

تضيق نفسي لين يشره على قلبي فمي
و أنا أترجّى في أمنيات الحلول المزمعه
لا يبن أبوي شلون محتر و أطغي و أحتمي
و الوقت لا منّه زما راس حضّي يقمعه
أن جيتها في الاصدقا أوف يا وفرة دمي
كم و احدٍ خلاّ جميلي على راس أشمعه
مانيب متحسّف جعل مال جافيني سمي
لان أدري المحراب ما هوب مثل الصومعه
تتغثبر الدنيا و لحظة صفوّ الأدمي
اليا سجد الله و سقّت دموعه مدمعه
وأنا أدمعت عيني وما اكميه عاده منكمي
بين أنتظام عروق قلبي مسوّي معممعه
ياوجد حالي و أنكساري و غيبي و عدمي
وجود من جمّع حلاله و ضاع اللي أجمعه
المشكله ما هيب نفسي وزلاّت قدمي
و ما هيب بحّة صوت أحبّه و لا عاد أسمعه
المشكله لا جات من بين دمّي و لحمي
مدري من أخلّي و لا أدري من اوقّف معه

صقر الحمايين 11-26-2010 04:14 AM

رد: من قصايد الشاعر سعدعلوش
 
قصيدة ركز معي

غني بربّي و الدعاء و الرفاقه
و قرم و ليا جت للقصايد مفوّه
بحرٍ تباعد غبّته عن زراقه
لأهل الغثا طيشه و لله هدوّه
ان زان وقتي خذت لذّة فواقه
و لوّه يشين يشين عادي و لوّه
بنكي رياجيل الشرف و البطاقه
جمايلي و أسمي و أكبر المروّه
من لابةٍ في ثقل أهلها محاقه
فعيونها كثر الاوادم يشوّه
الأكرمين أهل العقل والحماقه
الجيّدين مزبّنين الجلوّه
هاذي فقط نبذه عن أهل العراقه
والسامي أيرجّح كلامه سموّه
عن أفتعالات الغضب والطفاقه
وعن المليىء اليا تبيّن خلوّه
حبّيت أبينلّك أصول اللباقه
مع واحدن غيثه يساابقه نوّه
وألاّ أنت كامل لاكن أن فيك عاقه
ينقص برستجيك شويّة جروّه
يمغيّرن فعيوني أصل العلاقه
تخيّلو عدو يعشق عدوّه
لازمتني بحلا الدلع والشفاقه
وأدخلتني في حلم عمرك وجوّه
وحببتني في شي أسمه صداقه
وكرّهتني في شي أسمه أخوّه
ولفتني باو الغنج ولف ناقه
وأنا ولفتك ولف حاتم لضوّه
ولو نختلف بشيا الغضب والرواقه
مانيب قايل ماتسوّيه سوّه
ركّز معي ؟ للريح طلاّااق ساقه
وللشين شينن لانصا مايموّه
يعلم بئن حلم الكسول اللياقه
ويعلم بئن حلم العقيم الأبوّه
ويعرف متى نضج الورق وأحتراقه
خبير في الاحياء ماهوب توّه
ثورته لاجت تشعل ألفين طاقه
ماهيب شبّة قاز في جمر دوّه
منتب غبي جدّاا بلفظ الرشاقه
وأنا ذكي جدّاا وحبّيت أنوّه؟
ان جيتني جيتك على كل فاقه
وان رحت ابلعن خير وقتي و سوهّ
لأنّك تنفّس الحشا وأختناقه
ياكل شبحي ياقصاه ودنوّه
يابو الحلا وابو الغلا والذواقه
سرايرك من له وحكيك نبوهّ
روحك وقلبي لو بحلل وثاقه
مربوطتن في بعض هيّّا وهوّه
فن غبت يانفر العقل وأشتياقه
مانيب راغب بعد خوّتك خوّه
ببكي على زولٍ عشقته عشاقه
وترى البكى للأقويا زود قوّه
فن شفت أبن علوش يبكي فراقه؟
ترى أنحدارات الجبل من علوّه

صقر الحمايين 11-26-2010 04:24 AM

رد: من قصايد الشاعر سعدعلوش
 
قصيدة لا اخلا و لا اعدم

ردني لك.. موتتي في غيابك موتتين
يا محول ضيقتي من وجود إليا عدم

لا تخليني ما بين الثلاثة و الثنين
البكا و السخط فيك ، وشعوري بالندم

ضقت ذرعاً، يالله انك تزينها .. تزين
من عيون اللامبالاة و يدين الردم

والله ان جرحك بقلبي كبير وله حنين
كبر ملك الامبراطور ف عيون الخدم

الله أكبر يا وليفي بعد ما كنت وين..
صار مالي في حياتك ولا موطئ قدم

ردني لك.. لا خلاص انت رح ، والله يعين:
من على شانك يفض الجموع ويحتدم

خلني لي.. وأعدك في مقابيل السنينن
ماأتمنى صعب.. ولاأعشق.. ولا أنصدم

أنت ما قصرت يالغالي وعذرك سمين
وطول الله عمرك.. لا اخلا ولا اعدم


صقر الحمايين 11-26-2010 05:34 AM

رد: من قصايد الشاعر سعدعلوش
 
قصيدة كرت زيارة

قال : أبا اشوفك ؟ سكت شوي , قلت : اشزينه
موعدٍ معك أنت لايمكن عليّ إنكاره

بس لاحظ إن قلبي لو جفو غالينه
ما جعلهم عرضة النقاده الثرثاره!!

قال : أنا أدري .. و الله يوقْف معه و يعينه
قلبك إلى حط أعداءه على أنصاره!

قال:باكر.. قلت بكره(غد).. يا تانينه
كلها ساعات ويبوح النهار أسراره

المهم.. أصبحت صبحٍ ما عرف تكوينه
صبح من ندرة عصافيره تصيد احراره

وآتقهوى.. قهوة اللي مضحكتْه سنينه
وآخذ اغراضي معي.. واشغّل السيارة

واسرح في بالي انه في حدا دربينه
يا قبل بيته ابيّتين.. أو على دوّاره

وليه ذا.. واقف معنّز جسمه بيدّنيه
وقفة اللي ربعه تحبّه ولا تختاره

قلت: ليه انت اتّشاءم انت اتّشاءم والبنادم طينه
ينتصر.. لاحط ذكر الله على إصراره

قال: أنا.. مانيب متشائم.. لكن يشينه
لابتدا عمرك بصدماته وموت أزهاره

كنت احسب ان الحياة لساره أو ل(لينه)
لين ماتت (لينه).. وفي يوم ماتت (ساره)

ظل يبكي.. وانتهز صدري .. وجا من بينه
لين حسيت ان كثر الدمع فك ازراره

اعملت في عيني انفاسه ودمعة عينه
مثل ما يعمل بخار الشاي في النظاره

قمت اضمه وآحضن راسه ولا ادري وينه
لاني اعشقه بمفاجأته وفي تكراره

كان يوم.. يعلّم الواحد يوفّي دينه
الفرح به قاطعٍ للحزن كرت زياره

يالله انك تقطع الوقت الردي وتهينه
كانه يبكّي كباره من غياب صغاره


صقر الحمايين 11-26-2010 05:37 AM

رد: من قصايد الشاعر سعدعلوش
 
قصيدة الطايش

الطايش اللّي محتمينه ما ولوه
كل العيون اللي تحبّه باعته
أغلى شهوده ساع ما بيع أجحدوه
و أوفى شموعه يوم قفّا ماعته
يهل السخافه و اللقافه جنّبوه
خلّوه يخطي دامني شمّاعته
خلّوه يجمد و يتبعثر كلّ ابوه
ما دامني في حكمه و في طاعته
لانّه خليط من التغاضي و النّبوه
و مواقفه تبنى على قناعته
قاسي و لو أتضايقه ما قال أوه
و قساوته أخر دلع مياعته
مدلّعن خلقه و ناسه دلّعوه
والنفس ما تشبع به اليا جاعته
يغيب و يدري أن المعاليق فقدوه
و يرجع بصوتن جعلني ما ناعته
فلا بث رقمه شاشت الجوّال أتوه
و أقول ياربّي تبارك ساعته
جوّالي اليا منه دق و قال ألوه
تذوب أذانيّيّ على سمّاعته
لبّيه يا كلماته و لا فضّفوه
أموت في ضحكته و أستمتاعته
لا تنشدوني ليه أحبّه أنشدوه
حبّه محببني سبب ودّاعته
من كثر ما حبّه أحب أمّه و أبوه
بالمختصر أحبّهم جماعته

صقر الحمايين 11-26-2010 05:40 AM

رد: من قصايد الشاعر سعدعلوش
 
قصيدة اخذيني

أخذيني إليا عجبتك بس ردينيي
و إن ماعجبتك خلاص أخذيني مابيني
ما دامني شفت فيك الطهر و العفة
باعيف نفسي ليا منك كرهتيني
أخذيني لو أعتبر من ضمن أشيائك
و أنا بحبك و لا لازم تحبيني
لابي علاقه ولابي نظره وبسمه
أحساسي أني بقربك بس يكفيني
و لو أني انضفت لشيائك غصب عنك
طلي علي يا غناتي لا تخليني
تراي لا جا المصامد ماني بهين
تقول كن العرب لعبة بيديني
شخصيتي من غرابتها و طيبتها
كن الزمن في تحدي بينه و بيني
أخذيني الشاعر اللي ما صدق حظه
لا قلت يا حظ وينك ؟ قال : يا ويني
أخذيني المبدع المتفلسف التحفه
مؤمن و تضحك على العالم شياطيني
شهرة شكسبير و أفلاطون و نيوتن
لا قلتلي بيت شعر تطيح من عيني
أخذيني العنصر الي صدق متعنصر
من دون ربعي لو أقطع شراييني
أخذيني اللي ليا منه طلب يعطا
و تكفين لا من طلبتك لا ترديني
تكفين يا غايتي يا بهجة الدنيا
أبحرق قلوب ناس ما تدانيني
أخذيني بكل شوق و قولي أحبه
و أن شككوا فيك و إلا في ضميني
قولي سعد و الله أنه غاليٍ جدا
و يا جعل فدوة شبابي و اخر سنيني
و أنا بصدق كلامك و أعتنز بالله
و باقول للناس ما يعنيك يعنيني
و أنا علي نذر ما أرخص جيتك
و أنتي نذر على أرقبتك أنك ماتخليني


الساعة الآن 06:40 PM.

Powered by vBulletin® alhamain.com
Copyright ©2000 - 2021, Jelsoft Enterprises Ltd