محاوره بين الشاعر بدر العجميي والشاعر عبدالرزاق الحمياني

{بـدر العجـمـى}
يابو مشعل نبا شوفتك من عقب غيبـ=اتهلا يا مرحبـا فيـك والملعـب ينـادى
لقيت البدو قبل امس فى بعض اجتماعات=وفضوها وكلٍ قضب لـه بطـن وااااادى
@@@
عبد الرزاق الحميانى

عسى ربي يلم الشمل من عقب التشتات=وانا ماقـول مـدل والا اقـول غـادي

نشوف اللي تشوفه ونسمع كثر الاصوات=وأحد فوق المسامه وأحد فوق الشـدادي

@@@
{بـدر العجـمـى}

بعد جيناك ناخـذ بهـا روحـه وجيـات=على خط المعرفه ونور البـدر بـااادى

تحايل فالزمن والزمـن مافيـه حيـلات=لونـك قايـد وجــاك 500 قـيـادى
@@@
عبدالرزاق الحميانى

ترى الطرقه طويله ولاهي هرج وحكات=دروب العرف تبغى عزيمـه واجتهـادي

على وضح النقا مابدينا العلـم بسكـات=مواقف والمواقف تبـي قـدح الزنـادي

@@@
{بـدر العجـمـى}

انا خابـرك فـارس ورجـال المهمـات=تلم الوضع والوضع ماهو وضع عااادى

ولا ياطيبكم طيبكـم وقفـه وفزعـااات=سوات الموتر اللى ليا سار امتحـاااادى

@@@
عبدالرزاق الحميانى
أنا حاسبك فزاع وأثرك صـرت شمـات=وغرك مانشرفي الصحيفـه والـروادي
مطير اهل الحميه لهم عـزوه وميقـات=ليا سمعوا ترى لمهم صـوت المنـادي
@@@
{بـدرالعجـمـى}

انا مانى بناسيك يـا وقـتٍ لنـا فـات=نهار العيـد شفنـا الرفاقـه والاعـادى

يلف الثعلب اللى ضرا فى سبـع لفـات=مدامـه مايعـرف الصداقـه والمبـاادى

@@@
عبدالرزاق الحميانى
تذكرفعـل راكـان ميـر الوقـت دورات=لكنك غطـك النـوم طولـت الرقـادي
أشوف الذيب يقنب عليكم سبـع قنبـات=يبي طـش العشاءللنسـور وللحنـادي
@@@
{بـدر العجـمـى}

ولا ياليت ياليـت يرجـع كـل مافـات=وتقدح من زنادك وانا اقدح من زنااادى

نصحتك من دروبٍ بها خمسـة مطبـات=واشوفك ماتبا العلم ياغايـة مـراااادى

@@@
عبدالرزاق الحميانى
بغيت تزحزح طويق وجبـال السـروات=ونارك بعـد شبيتهـا راحـت رمـادي
تشوت الكوره اللي لها عشرين شـوّات=وتفخر وأنت ماجبت مقرعـة التـوادي
@@@
{بـدرالعجـمـى}

حفظكم واحدٍ حافظـن سبـع السمـوات=نبا نهديكم النصـح والله خيـرهـاادي

ولا تخـرج وتدخـل فدايـرة المتاهـات=تـرا ماجـره محمـد يجـره عبـاادى

@@@
عبدالرزاق الحميانى

حليل العجمي اللي حيي من بعد مامـات=وانا مازلت مطنوخ وسيوفـي حـدادي

حسبت حساب ممشاي ماهبت المسافات=ويقصر دونها من يقـول المـاد مـادي

@@@
{بـدر العجـمـى}

انا مبغاك تخسر ويا شيـن الخسـارات=بعدها ماش تمـره وجغمـه فالزبـااادى

تدور لسلامـه ولا حاصـل سلامـااات=تصبح فى صباحك وتهجـد بالهجـاادى

@@@
عبدالرزاق الحميانى
خساره
ماخسرنا كسبنا عشر مرات=نهار ماتعرف البياض من السوادي

عسى ربي يديم الرخاء وتعيش لذات=لك الله ماتقفّى مـروّح بالسـدادي

@@@
{بـدر العجـمـى}

انامانى بظالمـك شيـال الثقيـلات=وتاقف فى مواجيب خطلان الايـادى

مدام السوق يالقرم به بيعه وشريات=اباخذ معك وعطى وحاصدها حصادى

@@@
عبدالرزاق الحمياني

وصلك العذر والحر تكفيه الاشارات=وشهر الصوم ماهو مثل شهر الجمادي

نبيع ونشتري وسط سوقك بالريالات=وانا صقار واعرف متى وقت الهدادي

***************************************
############################
@@@@@الملاحظات

1-المحاوره غير مباشره
2-منقول من منتديات مطير