العودة   المنتدى الرسمي لقبيلة الحمايين من مطير > مجلس الشعر > منتدى قصآئد مطير
 

إضافة رد
 
أدوات الموضوع اسلوب عرض الموضوع
     
 
قديم 11-28-2010, 08:09 PM   المشاركة رقم: 1
المعلومات
الكاتب:
اللقب:
[ مشرف مجالس الشعر ]
الصورة الرمزية
 
الصورة الرمزية قلب الاسد

البيانات
التسجيل: Aug 2010
العضوية: 5
مشاركات: 1,392 [+]
بمعدل : 0.39 يوميا
اخر زياره : [+]



التوقيت

الإتصالات
الحالة:
قلب الاسد غير متواجد حالياً
وسائل الإتصال:

المنتدى : منتدى قصآئد مطير
افتراضي ديوان الشاعر فلاح بن مبرد الحميداني المطيري

 

ديوان الشاعر فلاح بن مبرد الحميداني

إخواني الأعزاء وأعضاء منتدى الحمايين يسعدني أن أضع لكم



ديوان شعري للشاعر فلاح إبن مبرد المطيري عسى أن ينال

إعجابكم ورضاكم


عديت






عدّيت فـي راس الطويلـة وغنّيـت ===أفرض رضا روحي على مـن كلفهـا


أغضبتها في موقف الطيب وأرضيـت ==فكـرٍ علـى درب المعاسـر عسفهـا


ياقـوّ طاقتهـا بمـا شـال وأخفيـت == شيـئٍ عليـه الـروح مـاالله كلفهـا


حاولت أغيّر فـي مجاريـه وأزريـت ==ماينخصـم وجـه الحقيقـه عرفهـا


مـع الظّـروف بمقنعاتـه تقصّـيـت ==كم حلت به حيلـة تصيـب ونسفهـا


حتّى عليه من الغضـب منـه ردّيـت == ردّة منزّحت السّـرب عـن عطفهـا


لا شـكّ ماصـارت علـى ماتورّيـت ==عند الغضب تخطي المصيبـه هدفهـا


جيتـه ليـا جيـت مطـوّع لعفريـت ==يخلي الجسد لاجى والى أقفى خطفهـا


وقفت مالي مـن جـدا إلا التنّاهيـت ==ألعـن هكـا الحـزّة وحـظّ عرفهـا


ممّا بصدري سجت رجلـي وسجّيـت ==أقنّـع النّفـس العـزيـزة باسفـهـا


ما يرجع اللّي فات لـو قلـت ياليـت ==دنيـا تخالفنـي علـى الله خلفـهـا


جلست فـي راس النّبـا واستمدّيـت ==وحالي على غيـر أحتمالـي دغفهـا


كنّه لبس جسمي من الجـنّ عفريـت ==يوم أرتهج وصفـوح طبلـه رجفهـا


نسنس هـواه اللّـي يهـزّ المنابيـت ==صلفـن ليـا هبّـت هبوبـه عطفهـا


هـواه حنّـت منـه روس النّحاتيـت ==وتجاوبـت خضـر الجريـد بسعفهـا


قامـت تصافقهـا هبـوب السّباريـت ==لين العذوق الخضـر هلـت حشفهـا


ورّانـي الدنيـا عـلـى ماتمنّـيـت ==هـدّم مبانيـهـا وحـطّـم تحفـهـا


ضربه يفتّت عالـي السقـف تفتيـت ==من أعلى طوابقها ليـا آخـر غرفهـا


يشتّـت المجمـوع بالقـوع تشتيـت ==صبّاتهـا كبـر الأظـافـر شظفـهـا


من عابرات ماتمشّـى علـى الزيـت ==أحـدث صناعـات الخبيـر اكتشفهـا


فكري موقّتّها علـى الضيـق توقيـت ==لو أطلـب الصنـع المحـرم صرفهـا


هيجات فكري تجمـع الحـيّ بالميـت ==صنع الخفايا معجـزة مـن وصفهـا


دخلت في مثل الظلام وطفـيّ الليـت ==وشـدّ الستـارة بالخيـوط وكشفهـا


أدرج شريطـه بالجهـاز وتحلّـيـت ==يمشي على نـون النواظـر سلفهـا


تتابعـت فـزّات روحـي وفـزيـت ==وكـنّ الوجيـه الغايبـات تعرفـهـا


تدفقـت عبراتـهـا يــوم ونـيّـت ==وجفني غسلهـا بالدمـوع ونشفهـا


في راس مرقاب العنـا ليـن ملّيـت ==من عصر لين الشمس كفـت طرفهـا


مع العذاب أبحرت وأحترت وأمسيـت ==كنـيّ سفينـة نـوح ممـا صدفهـا


خوفّني الهاجـوس ليـن أستخفّيـت ==وفكّ الحصـار وقـال دنيـاك شفهـا


يوم أستهاض وهاض وصّفت واصفيت ==نقعـة بحـر لـو زاد ماهـا نشفهـا








 




 


مواضيع ذات صلة بالكاتب
توقيع »

 

آخر تعديل قلب الاسد يوم 11-28-2010 في 08:14 PM.
عرض البوم صور قلب الاسد   رد مع اقتباس
 
     
     
 
قديم 11-28-2010, 08:18 PM   المشاركة رقم: 2
المعلومات
الكاتب:
اللقب:
[ مشرف مجالس الشعر ]
الصورة الرمزية
 
الصورة الرمزية قلب الاسد

البيانات
التسجيل: Aug 2010
العضوية: 5
مشاركات: 1,392 [+]
بمعدل : 0.39 يوميا
اخر زياره : [+]



التوقيت

الإتصالات
الحالة:
قلب الاسد غير متواجد حالياً
وسائل الإتصال:

كاتب الموضوع : قلب الاسد المنتدى : منتدى قصآئد مطير
افتراضي رد: ديوان الشاعر الكبير فلاح بن مبرد الحميداني المطيري

 

الحلم






وش حلّ حلمي يامفسّـرت الأحـلام -=للحلم أبي لي من هل العلم تفسيـر


اللّي بلاجنحـان يصعـد ليـا هـام== يحوم في كبد السّماء حومة الطيـر


وش لون حلّ الحلم في حكم الأسلام ==لا حمت فوق مركّـزات المعاصيـر


أنـا عمـاً غافـلٍ بلـذّات الأنعـام ==وابا أزعج المبصر بعرض التصّاوير


مشاكـل المخلـوق تيّـار الأيّــام ==الوقـت هايـج واللّيالـي معاشيـر


يعلم بها اللّي عالمٍ حمـل الأرحـام ==المعتلـي منـه وعليـه التّدابـيـر


ماهي بسلعـه بيـن بايـع وسـوّام ==فرضٍ من الخـلاّق حكـم المقاديـر


بالنّاس منهو يجمع الكنـس بخمـام ==وفيهم من اللّي يصرفـون الدّنانيـر


وفيهم من اللّي يعطب الطّق بلحـام ==من ضربته جمـع الحديـدة تنانيـر


بلشت مابيـن الحقيقـه والأوهـام ==وأخشى يجي نفع الحقيقـة معاذيـر


في غابـةٍ يلهمنـي الهـمّ بالهـام ==بين الـورود الفاتحـه والعصافيـر


غديت أنا ويّا الهواجيـس بازيـام ==تفرّني فـرّ المكينـة مـع السّيـر


ضرباتها بالكبد من نبـل الأسهـام ==وش فايدة فكـري برفـع التقاريـر


زاد الحساب اللّـي بعـداد الأرقـام ==وعجزت لا القا للمفاتيـح تصفيـر








 




 


توقيع »

 

عرض البوم صور قلب الاسد   رد مع اقتباس
 
     
     
 
قديم 11-28-2010, 08:20 PM   المشاركة رقم: 3
المعلومات
الكاتب:
اللقب:
[ مشرف مجالس الشعر ]
الصورة الرمزية
 
الصورة الرمزية قلب الاسد

البيانات
التسجيل: Aug 2010
العضوية: 5
مشاركات: 1,392 [+]
بمعدل : 0.39 يوميا
اخر زياره : [+]



التوقيت

الإتصالات
الحالة:
قلب الاسد غير متواجد حالياً
وسائل الإتصال:

كاتب الموضوع : قلب الاسد المنتدى : منتدى قصآئد مطير
افتراضي رد: ديوان الشاعر الكبير فلاح بن مبرد الحميداني المطيري

 

الخيـــــل







يامـا نقلتـي مـن سـلالـه وسـلّـه ==صنـع الفرنجـي والعيـال المداهيـش


تغذْيـن مـع شـولٍ تباريـن جـلّـه ==ليا جا من الضـدّ المجـاور ختاريـش


لاصاح صيّـاح الضّحـى وفزعـن لّـه ==جـرد السبايـا مـع زراج النشانيـش


يجـنّ ايديـهـن يطـرقـنّ الأجـلّـه ==ضرب الحوافـر مثـل دقّ المهابيـش


لاباينـن مـع راس حـدبـاً مطـلّـه ==وشيف السّلف قد شرعوا به هل الجيش


ورداً مثـل ورد القطـا واقبلـنّ لّــه ==وكثرة صوايـح ناقضـات العكاريـش


ينخـنّ شغمومـن علـى عـادةٍ لّــه ==عليه جوخـه والمـزرّج غلـب ريـش


ماقـطّ شافـوا لـه بالاكـوان ذلّــه ==ينطـح سهـوم مخالفـات النواتيـش


وتواجهـوا كـلٍّ علـى ماحصـل لّـه ==بيـن الفـزع ومدوّريـن المعـاويـش


وعندك خبر من هاش مـن دون حلّـه ==ماينطحه بالهـوش حمـر الطرابيـش


يقلط على الصّابـور(1) لعيـون خلّـه ==لوقدمـه العجـمـان والا الحناتـيـش


هـذاك هـو دورك وراعـيـك حـلّـه ==ليا وصلـوا المظهـور والا القناطيـش


واليـوم لـك مابيـن ددسـن وفـلّـه ==ما انشدك عن راعيك ركضك على ويش








 




 


توقيع »

 

عرض البوم صور قلب الاسد   رد مع اقتباس
 
     
     
 
قديم 11-28-2010, 08:22 PM   المشاركة رقم: 4
المعلومات
الكاتب:
اللقب:
[ مشرف مجالس الشعر ]
الصورة الرمزية
 
الصورة الرمزية قلب الاسد

البيانات
التسجيل: Aug 2010
العضوية: 5
مشاركات: 1,392 [+]
بمعدل : 0.39 يوميا
اخر زياره : [+]



التوقيت

الإتصالات
الحالة:
قلب الاسد غير متواجد حالياً
وسائل الإتصال:

كاتب الموضوع : قلب الاسد المنتدى : منتدى قصآئد مطير
افتراضي رد: ديوان الشاعر الكبير فلاح بن مبرد الحميداني المطيري

 

قالوا علامك





قالوا علامـك مـا تقـول القوافـي==وأقول انا ماني بعجلٍ علـى القـاف
كمّ كلمة كثـرت عليهـا الحسافـي==وكمّ ضاع من بين المخاليق ميقـاف
اللّي لمست من أكثر النّـاس كافـي==ياقلّ من فعلـه يشـرّف وينشـاف
بالنّفس عن بعض المواقف عفافـي==عن الطّمان أبدي على راس مشراف
لي مع بعيديـن الهقـاوي مطافـي==ولى دون عوجان المناهيج محـراف
واليا استوى المعنى على رسم قافي==لابد ما يظهر له أنصـار وإنصـاف
من واحـدٍ يعلـم كنيـن الخوافـي==علاّم سرّ الكـون يرجـى وينخـاف
هو خالقـي لـه ذلّتـي وأعترافـي==هو القدير بكـلّ شـيٍّ هـو الكـاف
هو الّـذي عنـد المواعيـد وافـي==وعلى وعيده تلحق اسلاف باسلاف
كم صفصفٍ يرفع عمـاره يشافـي==وكم عامرٍ ساوى مبانيه صفصـاف
تذري عليـه مصافقـات السوافـي==تطرد به السملول من عقب الارياف
دنياً اليا جا فـي هواهـا اختلافـي==من حكمة المولى لها عشق وعياف
ما جت على كيف الرديّ والسّنافـي==ذى قدرة اللّي خالقٍ كـل الاصنـاف








 




 


توقيع »

 

عرض البوم صور قلب الاسد   رد مع اقتباس
 
     
     
 
قديم 11-28-2010, 08:25 PM   المشاركة رقم: 5
المعلومات
الكاتب:
اللقب:
[ مشرف مجالس الشعر ]
الصورة الرمزية
 
الصورة الرمزية قلب الاسد

البيانات
التسجيل: Aug 2010
العضوية: 5
مشاركات: 1,392 [+]
بمعدل : 0.39 يوميا
اخر زياره : [+]



التوقيت

الإتصالات
الحالة:
قلب الاسد غير متواجد حالياً
وسائل الإتصال:

كاتب الموضوع : قلب الاسد المنتدى : منتدى قصآئد مطير
افتراضي رد: ديوان الشاعر الكبير فلاح بن مبرد الحميداني المطيري

 

سود اللّيالـي حدثهـا ماينسّينـي ==ماني بتبعٍ حـدث ماضيـه ماهمّـه
ماني رديٍّ ولانـي مـن ردييّنـي ==والطيب محدٍ قفـل بابـه ولا كمّـه
من روس ربعٍ مواقفهم تهقوينـي ==حبل المواريد مايقصر عن الجمّـه
أفخر بربعي ليـا قالـوا حمادينـي ==يوم انّ ساس الردي يكره بني عمّه
اللّي غرس حبّهم طبعي وتكوينـي ==فرضٍ على الروح مثل الدين والذمّه
فكري على المنهج الطّيب مقدّينـي ==يوم ان خطوا الولد يتبع وصاة امّه
المشتبه ما يجي دينه علـى دينـي ==ساس الردي والبخيل وناقل النمّـه








 




 


توقيع »

 

عرض البوم صور قلب الاسد   رد مع اقتباس
 
     
     
 
قديم 11-28-2010, 08:26 PM   المشاركة رقم: 6
المعلومات
الكاتب:
اللقب:
[ مشرف مجالس الشعر ]
الصورة الرمزية
 
الصورة الرمزية قلب الاسد

البيانات
التسجيل: Aug 2010
العضوية: 5
مشاركات: 1,392 [+]
بمعدل : 0.39 يوميا
اخر زياره : [+]



التوقيت

الإتصالات
الحالة:
قلب الاسد غير متواجد حالياً
وسائل الإتصال:

كاتب الموضوع : قلب الاسد المنتدى : منتدى قصآئد مطير
افتراضي رد: ديوان الشاعر الكبير فلاح بن مبرد الحميداني المطيري

 

راكب اللّي حرّكت وأستـدارت بالمطـار==شغّلـت بنكاتهـا واستعـدّت للمطـيـر
قابلت للنّـود واوقـف لتزويـد العيـار==وشلّعت تشليعة اللّـي مسابيقـه حريـر
وارفعت سمر العجل يوم ضفّت باشتهار==يوم ضفّت كنها فـرخ قرنـاس صغيـر
من طراز الميج بالجوّ عجـلات الطيـار==لعنبوا سوّاقهـا كيـف فكـره مايحيـر
نجّبوها في لزومي على موجـب قـرار==يوم شافوا منيّ الحال يادهيّـس ضريـر
بلّغ السواق بأمر مـن الحاكـم وسـار==ورسموا له بالخوارط مسافات المسيـر
يوم جا الشعبه ونزلّ كفّرهـا واستـدار==قال وين أنزل وقلت أنت في شغلك بصير
قال كيف انزل على سهلتن مافيـه قـار==قلت ملزوم نزولك لـو المنـزل خطيـر
لازم أشوف الغضي ولو لمحـت بصـار==لين أشوفه في عيوني ويرتاح الضميـر
عنق ريم قادت الصيد في تالـي النهـار==يوم سمع الرمي قاد الجميلـه مستثيـر
عينها عين أشقر من صواريم الحـرار==توّ جا طـرح الشبـك جايبينـه للأميـر
الوصـوف حـزوف وردوف صـغـار==في نظر عينها لأهل الهوا شـرٍ شريـر








 




 


توقيع »

 

عرض البوم صور قلب الاسد   رد مع اقتباس
 
     
     
 
قديم 11-28-2010, 08:28 PM   المشاركة رقم: 7
المعلومات
الكاتب:
اللقب:
[ مشرف مجالس الشعر ]
الصورة الرمزية
 
الصورة الرمزية قلب الاسد

البيانات
التسجيل: Aug 2010
العضوية: 5
مشاركات: 1,392 [+]
بمعدل : 0.39 يوميا
اخر زياره : [+]



التوقيت

الإتصالات
الحالة:
قلب الاسد غير متواجد حالياً
وسائل الإتصال:

كاتب الموضوع : قلب الاسد المنتدى : منتدى قصآئد مطير
افتراضي رد: ديوان الشاعر الكبير فلاح بن مبرد الحميداني المطيري

 

تواضعي بالطيب لاظهـار كبـري
في ماقفٍ يصعب علـى مستخبـره
ماضيق من شبرٍ ورى قوس شبري
يغضبني القاصر على شين دبـره
عليه من مقياس كـفّ المحبـري
مايحتميبـه لـو مثانيـه جـبـره
للنّاس في شين السّجايـا تعبـري
ولـو ماتمشّيهـم بالايـام عبـره
ولو يدرجون بهرج الاعراب عبري
وأدقّ بالتعبير مـن سلـك الابـره
اجيبها من ناتـج الفكـر جبـري
من فايض افكارٍ لهـا زود خبـره
فكرٍ مفاهيمـه للامـراض تبـري
طبٍّ يعالـج روح شـراب صبـره
نشرات فكري ما قراهـا باهبـري
منهـا مفاهيـم البشـر مستعبـره








 




 


توقيع »

 

عرض البوم صور قلب الاسد   رد مع اقتباس
 
     
     
 
قديم 11-28-2010, 08:29 PM   المشاركة رقم: 8
المعلومات
الكاتب:
اللقب:
[ مشرف مجالس الشعر ]
الصورة الرمزية
 
الصورة الرمزية قلب الاسد

البيانات
التسجيل: Aug 2010
العضوية: 5
مشاركات: 1,392 [+]
بمعدل : 0.39 يوميا
اخر زياره : [+]



التوقيت

الإتصالات
الحالة:
قلب الاسد غير متواجد حالياً
وسائل الإتصال:

كاتب الموضوع : قلب الاسد المنتدى : منتدى قصآئد مطير
افتراضي رد: ديوان الشاعر الكبير فلاح بن مبرد الحميداني المطيري

 

حمر العقارب

قصيده في الشيخ متعب بن فيصل بن سقيّان






دنّولـي اللّـي للّـوازم يـقـرّب
أدهم حدب له نازح الـدّار قـارب
ليا ارتفع ضغطه بزيتـه تشـرّب
واقعد على الطبلون حمر العقارب
يفزّ مثـل اللّـي عليـه المهـرّب
ممشاه فرق و في مقامه يقـارب
كنّه اليا خـمّ الطريـق و تكـرّب
مع ضيّق المجرى حصيل المسارب
سبّـاح دوٍّ دونـه القيـظ سـرّب
روس الروابي فيه مثل القـوارب
عليه منيوبٍ من الشـرق غـرّب
حاديه هاجوسٍ هـواه امتضـارب
دربه يدلّه واتّكالـه علـى الـرّب
امليح(1) ميراده عذيّ المشـارب
ينشد عن البيت القديـم المعـرّب
ماينتخفّـى بيّـنٍ بيـن اقــارب
للضّيف من تأسيس فيصل مجرّب
تنصاه بالشّده طـوال الشـوارب
بيت الكرام اللّي صغيـره يـدرّب
يطلع خلفها من سلفهـا مقـارب
متعبّ ولد عطّـاف حـدّ المـذرّب
بالكون من يمناً تجيـد المضـارب
له عـزوةٍ تعـرف ولا تنتقـرّب
تذكر وينسى غيرهـا بالمكـارب
عنها النشّامـا بالملاقـا تهـرّب
يعطون من عقب الوجيه الغوارب
أبي من الفعـل القديـم المجـرّب
وقفة غضب ماهيب لاهل التجارب








 




 


توقيع »

 

عرض البوم صور قلب الاسد   رد مع اقتباس
 
     
     
 
قديم 11-28-2010, 08:30 PM   المشاركة رقم: 9
المعلومات
الكاتب:
اللقب:
[ مشرف مجالس الشعر ]
الصورة الرمزية
 
الصورة الرمزية قلب الاسد

البيانات
التسجيل: Aug 2010
العضوية: 5
مشاركات: 1,392 [+]
بمعدل : 0.39 يوميا
اخر زياره : [+]



التوقيت

الإتصالات
الحالة:
قلب الاسد غير متواجد حالياً
وسائل الإتصال:

كاتب الموضوع : قلب الاسد المنتدى : منتدى قصآئد مطير
افتراضي رد: ديوان الشاعر الكبير فلاح بن مبرد الحميداني المطيري

 

حن العليل



حنّ العليل وهـزّه الشـوق للولْـف
هزّ الهوا لغصون نبـت الشّفاشيـف
صيف وعليه من الجنوبي هواً صلْف
منها دقاق النّبـت عـوجٍ مهاديـف
متمكّن بالجوف جرح الهـوا كلْـف
سهرٍ بضيق وغمضة العين تخريـف
من الوليف اللّي مشاكل هواه ألْـف
مكتوبةٍ لالي ولالـه علـى الكيـف
على طريق الشّوق عكس الهوا خلْف
ولافي يدينـي للمقاديـر تصريـف
إلاّ الوفا ومعالـج اليـاس بالحلْـف
تجديد عهد أهل القلـوب المواليـف
لوكان هذا هو سبب حالـي التّلْـف
روحٍ نصوح ونوح معدوم توصيـف
مقسوم ضرب سهوم بمزارق الشلْف
بين الخصوم الخوف من سلّة السيف








 




 


توقيع »

 

عرض البوم صور قلب الاسد   رد مع اقتباس
 
     
     
 
قديم 11-28-2010, 08:31 PM   المشاركة رقم: 10
المعلومات
الكاتب:
اللقب:
[ مشرف مجالس الشعر ]
الصورة الرمزية
 
الصورة الرمزية قلب الاسد

البيانات
التسجيل: Aug 2010
العضوية: 5
مشاركات: 1,392 [+]
بمعدل : 0.39 يوميا
اخر زياره : [+]



التوقيت

الإتصالات
الحالة:
قلب الاسد غير متواجد حالياً
وسائل الإتصال:

كاتب الموضوع : قلب الاسد المنتدى : منتدى قصآئد مطير
افتراضي رد: ديوان الشاعر الكبير فلاح بن مبرد الحميداني المطيري

 


دع الحال يـا عذالهـا لا تلومهـا


ينبيك مظهرهـا بخافـي همومهـا


ليا عسعس اللّيل الغدر حقّها السهر


ليا طاب نوم الناس ما طاب نومهـا


تحلّل مشاكلهـا وتحتـار وضعهـا


على خارطة فكـرٍ يبيّـن رسومهـا


إن كان تعطيها من العرف تجربـه


ما تمتلك بالفكـر ربـع امعلومهـا


وضعي مثل وضع الخلاوي مع الفلك


لياليـه قضّاهـا بحسبـة نجومهـا


من قال أنا جرّبت بالوقـت وأفتهـم


يجهـل بمقبلـة اللّيالـي علومهـا


وزين الرجـال أفعالهـا لا بشكلهـا


ولافي ملابسها ولا فـي جرومهـا










 




 


توقيع »

 

عرض البوم صور قلب الاسد   رد مع اقتباس
 
     
إضافة رد

أدوات الموضوع
اسلوب عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:52 PM.


Powered by vBulletin® alhamain.com
Copyright ©2000 - 2020, Jelsoft Enterprises Ltd