العودة   المنتدى الرسمي لقبيلة الحمايين من مطير > مجالس الادآره والمشرفيين > منتدى المواضيع المكررهـ
 

إضافة رد
 
أدوات الموضوع اسلوب عرض الموضوع
     
 
قديم 05-18-2011, 02:45 AM   المشاركة رقم: 1
المعلومات
الكاتب:
اللقب:
الصورة الرمزية
 
الصورة الرمزية راضي دخين الحمياني

البيانات
التسجيل: Aug 2010
العضوية: 1
مشاركات: 1,634 [+]
بمعدل : 0.42 يوميا
اخر زياره : [+]



التوقيت

الإتصالات
الحالة:
راضي دخين الحمياني غير متواجد حالياً
وسائل الإتصال:

المنتدى : منتدى المواضيع المكررهـ
افتراضي فــي كل بيت حكـــــمه

 

معوّض خير ياحيٍ تهقوى في الزمـان ومـال *** سنينك لو رقيـت بعدلهـا يطرحـك مايلهـا

تعلّم وإعرف إن الدرب قدامك سهـل وجبـال *** جبـال تطولهـا وجبـال بعيونـك تخايلـهـا

ومعوّض خير ياحيٍ وردت الماء بدون حبـال *** يطول بك الوقوف وشربة المـاء ماتحصّلهـا

وقوفك عند راس البير مايسقيك لـو فنجـال *** ولاينفعك شوف الجمـه اللـي منـت طايلهـا

ومعوّض خير ياحيٍ خدعك من الرجال أشكـال *** تشوف أشكالها وتحطها أرفـع مـن منازلهـا

تعلّم من زمانك لاتصير مـن أجهـل الجهـال *** ترى في كل يـوم تجيـك عبـره لاتجاهلهـا

إذا ربي وهب لك عقل تلقى في الرجال رجـال *** تعرف اللـي يطلّـع قيمتـك واللـي ينزلهـا

ترى من بعض مايندي الجبين ويحرج الرجال *** لياسـاق الميانـه فـي نفـوسٍ ماتقبّلـهـا

ومهما شفت في صاحبك من نخوه وطيبة فال *** ترى بعض السجايـا كثـرة الإلحـاح يقتلهـا

معاريف الرجال ديون وديون الرجـال ثقـال*** لياصرت متعافي ليش تغـرق فـي جمايلهـا

رصيدك في حياتك سمعتك مع طيبيـن الفـال *** رجال الطيب والمعروف بالمعـروف عاملهـا

ولاتبدي بجاهـك فـي مقـامٍ مايسـر الحـال *** ولاتشفـع لنـاسٍ ماتنومـسـك بفعايلـهـا

لياجاتك تعذّرهـا مـدام العـذر لـه مدخـال *** ووقت الجد قول لهـا الصحيـح ولاتجاملهـا

وخذ منـي نصيحـه لاتصـدق كـل ماينقـال *** يجـرك للنميمـه ليـن يطرحـك بحبايلـهـا

يجيلك ناقـل النمّـات بهـروجٍ تغـث البـال *** سوالف في قفاك وحظك أطيب يـوم تجهلهـا

يبـرر بالحميـه والصداقـه شينـة الأفعـال *** يجمّـل صورتـه بعلومـه اللـي ماتجمّلـهـا

ولو كانت حميه فيك رد المخطيه فـي الحـال *** ولاكان إستمعها فـي قفـاك وجـاك شايلهـا

ترى من جاب لك ودّى وهذي عـادة النقـال *** يحاول يقتنص من فمك كلمـه لأجـل ينقلهـا

ومثل ماقال عندك راح عنك وعند غيرك قـال *** وزوّد عشر فوق الكلمه اللـي كنـت قايلهـا

تجنّب مجلسه لاتجلس إلا مع كريـم خصـال *** تحمّـل ميلتـه وإن ملـت ميلتـك يتحمّلهـا

ولاتصبر على الجار الردي لوهي ثلاث ليـال *** تضـرك جيرتـه لوكـان بيبانـك تقفلـهـا

وبيع الدار بأول سومةٍ تعرض علـى الـدلال *** ورزقـك عنـد ربٍ كاتـب اللقمـه وكافلهـا

وبنتك لاتزوجها الردي لوهـو كثيـر المـال *** تربيهـا علـى الطـالات وتشـوّه سلايلهـا

وكم من لاش يرمي خيبة إبنه فوق راس الخال *** لوإن الخال من روس الرجال ومـن دلايلهـا

ليامنك عرفـت تميّـز الطيّـب مـن البطـال *** وفادتك التجارب في الحيـاة وفـي مسايلهـا

وكشفت الفرق مابين الصحيح وحيلة المحتـال *** وتعلمت الفراسه في الوجيـه اللـي تقابلهـا

بعد هذي ترى مالك غنى عن صحبة العقّـال *** يدلونـك بـرايٍ ينقـض الدعـوه ويفتلهـا

يقولون الرجال اللي سوالفهـم حِكـم وأمثـال *** ليامن ضاعت الحيلـه يـدل القـوم عاقلهـا

نصيحة واحدٍ جرّب وشاف من الزمان اهـوال *** يقدّم لـك خلاصـة هجـرةٍ جـرّب هوايلهـا








 




 


مواضيع ذات صلة بالكاتب
توقيع »

 

عرض البوم صور راضي دخين الحمياني   رد مع اقتباس
 
     
     
 
قديم 05-18-2011, 10:13 AM   المشاركة رقم: 2
المعلومات
الكاتب:
اللقب:
عضو مميز

البيانات
التسجيل: Dec 2010
العضوية: 74
مشاركات: 287 [+]
بمعدل : 0.08 يوميا
اخر زياره : [+]



التوقيت

الإتصالات
الحالة:
صقر النشامى غير متواجد حالياً
وسائل الإتصال:

كاتب الموضوع : راضي دخين الحمياني المنتدى : منتدى المواضيع المكررهـ
افتراضي رد: فــي كل بيت حكـــــمه

 

يقولون الرجال اللي سولفهم حكم وامثال اليا من ضاعت الحيله يدل القوم عاقله
اخوي راضي
تسلم على هذا النقل
وصح لسان الشاعر
تقبل مروري
صقر النشامي








 




 


عرض البوم صور صقر النشامى   رد مع اقتباس
 
     
     
 
قديم 05-19-2011, 12:12 AM   المشاركة رقم: 3
المعلومات
الكاتب:
اللقب:
[ مشرف مجالس الشعر ]
الصورة الرمزية
 
الصورة الرمزية قلب الاسد

البيانات
التسجيل: Aug 2010
العضوية: 5
مشاركات: 1,392 [+]
بمعدل : 0.36 يوميا
اخر زياره : [+]



التوقيت

الإتصالات
الحالة:
قلب الاسد غير متواجد حالياً
وسائل الإتصال:

كاتب الموضوع : راضي دخين الحمياني المنتدى : منتدى المواضيع المكررهـ
افتراضي رد: فــي كل بيت حكـــــمه

 

القصيده مكرره وموجوده في الصفحه 6 بعنوان معوض خير








 




 


توقيع »

 

عرض البوم صور قلب الاسد   رد مع اقتباس
 
     
إضافة رد

أدوات الموضوع
اسلوب عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:23 AM.


Powered by vBulletin® alhamain.com
Copyright ©2000 - 2021, Jelsoft Enterprises Ltd