الأمير خالد الفيصل

هذه القصيدة كتبها الشاعر بعد عملية جراحية في القلب أجريت لشقيقة سمو الأمير سعد الفيصل عام 1409 هـ

ياجريح القلب بي عنك الجـروح

جعل قلبي فدوة(ن) لـك ياسعـد

مشرط الجرّاح في قلبي يـروح

كل ماهوجست بك يـوم الأحـد

خفقة(ن) تجزع وخفقات(ن) تنوح

عالجوا جرحك وجرحي بك قعد

يشهد الله لو تعوض الروح روح

ياابن أبوي فداك روحي والجسد

ياجحود الضيـم مـاودك تبـوح

بالخفوق جروح ولسانـك جحـد

شلت حب الناس بالقلب النصوح

لين صار الحب بعروقـك سـدد

سمّح الله درب ذا الوجه السموح

زال شـرّك والمقابيـل السعـد

الأمير خالد الفيصل معـروف عنه أنه رسام تشكيلي 00 رسم صورة لأخيه الأمير / عبد الله الفيصل بمناسبة فوزه بوسام باريس العالمي ـ ولا أذكر تاريخ المناسبة الآن ـ ولكن الذي أعجبني أن الأمير عندما أهدى الرسمة لأخيه كتب معها هذه الأبيات الجميلة وربما تكون أكثر من ذلك لكن لا أحـتـفظ إلا بهذه التي يقول فيها :

يا فـارس الأشعـار منـي تحيـه

مع ريشتي حاولت اصوّر معانيـك

مزجتهـا بالـوان روحـي هديـه

ياليتني اخذ باقي العمـر واهديـك

يا ما خذينا مـن حنانـك عطيـه

وش عندنا في مثل هذا اليوم نعطيك

يا عل قلب ما شكا الحـب والتـاع

تنهار من فوقـه محانـي ضلوعـه

يا ما نهيت القلب لا شك ما طـاع

ما طاع يـد لـه والليالـي تلوعـه

أثر المولّع دمعتـه تجـرح القـاع

وإلى ذكر ما فـات هلّـت دموعـه

يفـز قلبـي تالـي الليـل مرتـاع

أخاف تبعد عن ربوعـي ربوعـه

الموت كان العرف عقب البطا ضاع

والمنتحى يا سعود صعبٍ رجوعـه

في غير شوف العين ما نيب طمّاع

حقّه علي أمشي بـدرب المطوعـه

أبو عيونٍ رمشهـا سـود ووسـاع

في ذبحها العاشق فتـون وبتوعـه

.........اسرج حصاني........

اسرج حصاني و عطني قوسي وسهمي
ما دام انا في فلاة العمر رحّالي

اصور العمر في شعري وفي رسمي
و عاداتي آسافر الايام بلحالي

اطارد الصيد في روض(ن) عقب وسمي
و اجاوب الورق في غصن الهوا العالي

و اساهر النجم ألين يذوب بي نجمي
و اعانق الشمس اذا شعاعها مالي

و اكتب على الغيمه اللي تستخيل اسمي
و ارسل غرامي مع النسمات للغالي

حبيبي اللي مثل وبل المطر يهمي
على خفوقي سحاب الود همّالي

حبّه بروحي و في نفسي و في دمي
هو بدر ليلي و هو في شمسي ظلالي

انا احمد الله غدا سيد العرب قسمي
من يوم شفته و انا طير السعد فالي

لو شمسها تجهر و لو ليلها يعمي
و لو طالت الدرب ما فكرت في حالي

اسوق رجلي و اقوي بالامل عزمي
و اكسر الشوك حتى الورد يصفى لي

حدر القمـر صـوّت لخلّـه ونـاداه

ثــلاث مــرات وبالرابـعـه ون

حدر القمر ياما همـس لـه وناجـاه

وعيونهـم يامـا بـنـوره تـلاقـن

والبارحة عدا علـى الذيـب بعـواه

وقفـت ظنونـه بالليـال يتـعـادن

مـر(ن) حوالينـه ومـر(ن) تعـداه

ومر(ن) تضاحك له ومر(ن) تباكـن

هاذي سواة اللي عـن النـوم قـزاه

طيف حبيب اللي على خاطرة عـن

إن شافـت عيونـه جمـال تمـنّـاه

ون وصوّت لقمري لصوت الهوى حن

الجارحه تجـرح وتسـري وتنسـاه

وجروح مجـروح الليالـي تساقـن

والخافيـه طعنـة زمانـه تمثـنـاه

والبيّنـه عنهـا عيـونـه يبـوحـن

لقيت الحزن في عيون طفلة خطا مرسوم
قضى دمعها والعين تبكي ظلايمها

لفظها رصيف العمر في شارع مزحوم
تزاحم عيون الناس والهم زاحمها

ترد النظر لعيون من ناظروا مهزوم
إلى شافت العينين فيها هـزايمـها

على هامش الدنيا رضت همّها المقسوم
وراحت تمرغ بالندم روح ظالمها

على هامش الدنيا وبالدايره مغروم
عزّل واعتزل روحه وخسرت غنايمها

لهم رحمة الإسلام ما باقي معصوم
عسى يقدي من غدا في عوالمها

هذه القصيدة يرد فيها الأمير خالد الفيصل على لقب (شاعرنا) الذي أطلقه عليه الملك فهد بن عبد العزيز وكان لشاعرنا التعليق التالي:


ناداني مولاي خادم الحرمين الشريفين مراراً بقولـه «ياشاعرنا» وهذا شرف عظيم لي ووسام أعتز به ...

فكانت هذه المشاعر:

نَعَمْ شاعْرك وافخَـرْ بالسّمـاوه

وسامٍ فيـه عـزْ ولـه حـلاوه

وانا وَلَدْك وجندي مـن جنـودك

حَدِرْ لازمْكْ في حَضْر وُبـداوه

أحبّك واحترم رايـكْ واطيعـك

وفـيٍ بالرّخـا ويـوم القسـاوه

وافاخر بالملك ـعمّي ـواجاهر

وانبّه من علَـى عينـه غشـاوه

ملكنـا غالـيٍ والعهـد غالـي

وغالي الـرّوح للغالـي فـداوه

فهد زَيْزُومنا فـي كـل ساحـه

ظَهَرْ له بالوغَى ضرس وْضراوه

نصادق من رضَى عنّـه ملكنـا

ومن عـاداه لـه سـمّ العـداوه

إذا عـاداه غـاوي ردْ يـمّـه

وقـدّم لـه مراسيـم الرّضـاوه

يجي عنده ويشكي سـوْ حالـه

علَى جفْوَى الملك شاف الشّقـاوه

مثل مأسورْ يبكي عنـدْ فـارس

يبي عفـوه وهبّـات الطّـراوه

مريضٍ علّتـه غضبـةُ فهدنـا

وقالوا يـا طبيـب الوقـت داوه

عَذَرْهُم شيخنا من كبر شخصـه

وكفّـه بالعطـا يقطـر نـداوه

يقولـه شاعـرٍ يفـدي عمامـه

ولا يبغي علَى الرّاتـب عـلاوه

..........نجمة حياتي............

ميّلت نجمة حياتي للمغيب
ودّعتني راعها فجر المشيب

ليلة(ن) في برد في صحراء زمان
عشتها في غربة الدنيا غريب

عشتها جاهل وعاشتني حكيم
الخطا واجد و مرات تصيب

بينت فيني تجاريب الحياه
كل سيل حط في دربه شعيب

الصخر تشقه سيوف الدهر
كيف تسلم خفقة القلب العطيب

و الرياح تشيل كثبان الرمل
كيف زهر العشب يبقى ما يغيب

أجمع حروفي وأشكل صورتي
و الغريب اجمع شتاته بالعجيب

مرة ترقص حروفي للهوى
ومرة اسمع من حرفي نحيب

هاضني صوت الضمير الى اشتكى
اختنق ماله سميع ولا مجيب

وهاضني شكوى القلوب من العقل
ضامها كنه على الدنيا رقيب

كلما صاح الضمير و ون قلب
سالت حروفي على دمعة حبيب

صقر الحمايين
يعطيك العافيه
اشكر على مشاركاتك الجميله لاكن اظن بانك لم تتصفح منتدى الشعر جيداَ
مواضيعك مكرره مثل الشاعر خالد الفيصل والشاعر سعد علوش
ارجا منك قبل ان تكتب مشاركاتك تصفح هل سبق ان طرح الموضوع الذي تريد ان تكتبه
شـكــ وبارك الله فيك ـــرا لك ... لك مني أجمل تحية .